Göl sahilində itkin düşmə

«Le mystère du lac» serialı yaşlı anasına baxmaq üçün doğma qəsəbəsinə qayıdan Liz adlı qadından bəhs edir. Qəhrəmanın gəlişindən az sonra ərazidə gənc bir qızın qəfil yoxa çıxması hər kəsi təşvişə salır. Bu hadisə sakit görünən yaşayış yerindəki gərginliyi yenidən üzə çıxarır.

Baş verənlər Lizə on beş il əvvəlki dəhşətli xatirələri yada salır. O vaxtlar məhz gölün yaxınlığında onun iki rəfiqəsi itkin düşmüşdü. Qəhrəman illər əvvəl baş verən hadisə ilə indiki cinayət arasında müəyyən ortaq məqamların olduğunu düşünməyə başlayır.

2015-ci ildə Fransada lentə alınan detektiv dramın rejissoru Jerom Kornyuodur. Layihənin əsas rollarında Barbara Şults, Mari-Ann Şazel, Lannik Qotri və Filipp Düken çəkiliblər.