Delfin

Paytaxt cinayət axtarış şöbəsinin əməkdaşı Andrey Korablyov uşaqlıq illərini keçirdiyi dənizkənarı Yujnomorsk şəhərinə qayıdır. Gənc zabitin doğma yerlərə gəlişinə kədərli hadisə səbəb olur: o, dənizdə həlak olmuş yeganə yaxın qohumunu, qoca balıqçı babasını son mənzilə yola salmalıdır.

Andreyi şəhərdə yaxşı xatırlayırlar, çünki o, vaxtilə yerli daxili işlər orqanlarında çalışıb. Burada onun həm qanun keşikçiləri, həm də cinayət aləmi arasında çoxlu tanışı qalıb. Keçmiş dostları və həmkarları ilə söhbət edən Andrey tezliklə babasının ölümünün sadə bədbəxt hadisə olmadığı qənaətinə gəlir.

Rusiyanın istehsalı olan «Delfin» detektiv serialı 2019-cu ildə işıq üzü görüb və layihə 3 mövsümdən ibarətdir. Ekran əsərinin quruluşçu rejissorları Murad Əliyev və Denis Yeleonskidir, əsas rolları isə Sergey Jarkov, Darya Rumyantseva, Sergey Kolos və Maks Maksimov canlandırıblar.