Qaranlıqda

Mançester polisi Helen Uiks uzun illərdən sonra doğma məkanına qayıtmalı olur. Derbişir qraflığında yerləşən kiçik Poulsford şəhərciyində iki azyaşlı qız yoxa çıxır və bütün diqqət bu hadisəyə yönəlir. Baş şübhəli şəxs qismində isə Helenin uşaqlıq rəfiqəsi Lindanın həyat yoldaşı göstərilir.

Helen bu sirli hadisənin izinə düşərək doğma şəhərində aparılan istintaq prosesinə qarışır. Yaxın insanının ərinin cinayətdə ittiham olunması vəziyyəti daha da mürəkkəbləşdirir və onu həqiqəti üzə çıxarmağa məcbur edir.

Böyük Britaniya istehsalı olan dram və kriminal janrlı «In the Dark» serialı 2017-ci ildə işıq üzü görüb. Ekran əsərinin rejissorları Jil Bannyer və Ulrik İmtiaz Rolfsendir, baş rolları isə MayAnna Börinq, Ben Batt, Devid Leon və Ceymi Sives paylaşıb.