Mən, Cek Rayt

Varlı və nüfuzlu sahibkar Cek Raytın qəfil vəfatı ilk baxışdan intihar kimi qələmə verilir. Lakin vəsiyyətnamə açıqlananda mərhumun üçüncü həyat yoldaşı və iki oğlu gözlənilməz zərbə alırlar: onlar böyük sərvətdən demək olar ki, tamamilə məhrum ediliblər. Ailə üzvləri bu qərarla barışmaq niyyətində deyillər və öz haqları hesab etdikləri miras uğrunda mübarizəyə başlayırlar.

Eyni vaxtda baş müfəttiş Morqan və konstebl Cons şübhəli ölümün səbəblərini araşdırmağa girişirlər. Təyin olunmuş ekspertiza ilkin versiyanı büsbütün alt-üst edir: aydınlaşır ki, Cek Rayt əslində öldürülüb. Beləliklə, var-dövlət üstündə çəkişmə cinayət təhqiqatı ilə kəsişir.

Böyük Britaniya istehsalı olan «I, Jack Wright» detektiv serialı 2025-ci ildə rejissor Tom Von tərəfindən ekranlaşdırılıb. Əsas rolları Nikki Amuka-Börd, Con Simm, Harri Lloyd və Zoi Tapper canlandırırlar.