Dovşan ili

XIX əsrin sonlarında London cinayətkarlıq içində boğulur, küçələrdə isə Qarınqululu Cek və digər təhlükəli quldurlar dolaşır. Həmin dövrdə ekspertiza üsulları və daktiloskopiya hələ kəşf edilmədiyi üçün polislər yalnız müşahidəyə, dindirmələrə və məntiqi düşüncəyə arxalanırlar. Bu qrupa uzun illərin təcrübəsinə malik, hər şeyi görmüş və buna görə də spirtli içkilərə qurşanmış detektiv Rebbit rəhbərlik edir.

Təcrübəli müstəntiqin yanına tamam fərqli iki yeni köməkçi verilir. Onlardan biri kitablardan kənara çıxa bilməyən təcrübəsiz gənc, digəri isə polis rəisinin övladlığa götürdüyü azad fikirli qızıdır. Beləliklə, o, ölkə tarixinin ilk qadın polisinə çevrilir. Bu qəribə üçlük küçə dəstələri, rüşvətxor siyasətçilər, fırıldaqçı spiritualistlər və hətta Fil-adam ilə üz-üzə gəlməli olur.

Böyük Britaniya istehsalı olan «Dovşan ili» (Year of the Rabbit) komediya və detektiv serialı 2019-cu ildə işıq üzü görüb. Ekran işinin rejissoru Ben Teylordur. Əsas obrazları Mett Berri, Freddi Foks, Syuzan Vokoma və Alan Armstronq canlandırıblar.