Ölən detektiv

İsveçin tanınmış müstəntiqlərindən olan Lars-Martin Yuhanson insult keçirdikdən sonra xəstəxanaya düşür. Sağ qolu iflic olan təqaüdçü xəfiyyə zehni fəallığını qorumaq üçün yeni məşğuliyyət axtarır. Xəstəxanada olarkən o, otuz il əvvəl doqquzyaşlı qızın zorlanaraq qətlə yetirildiyi və indiyədək açılmamış qalan köhnə cinayət işi barədə məlumat əldə edir.

«Den döende detektiven» serialında qəhrəman arxiv sənədlərini araşdırdıqca hadisənin dərinliklərinə enir. Qanun qarşısında bu cinayətin müddəti çoxdan bitdiyi üçün rəsmi qurumlar cinayətkara cəza verə bilmir. Yuhanson qatili aşkar edəcəyi təqdirdə necə addım atacağını və qisas prinsipinin müasir dövrdə yerinin olub-olmadığını düşünməli olur.

Üç şimal ölkəsinin — İsveç, Danimarka və Finlandiyanın birgə istehsalı olan bu kriminal dram 2018-ci ildə ekranlara çıxıb. Serialın rejissor kürsüsündə Kristian Petri əyləşib. Baş rolu Rolf Lassqord canlandırıb, digər rolları isə Helena Af Sandeberq, Aleksey Manvelov və Lena B. Eriksson paylaşıb.