Coldwater

Orta yaş böhranı və dərin depressiya ilə mübarizə aparan Con həyat tərzini dəyişməyə qərar verir. O, səs-küylü Londonu geridə qoyaraq ailəsi ilə birlikdə sakit bir kəndə köçür. Con burada qonşuluqda yaşayan Tommi ilə tez bir zamanda dostlaşır. Tommi zahirən son dərəcə dindar, ziyalı və bir qədər qəribə xasiyyətli insan təsiri bağışlayır.

Lakin Conun həyat yoldaşı Fiona bu yeni qonşuya heç cür etibar etmir və onun davranışlarında açıq saxtakarlıq duyur. Cütlüyün onsuz da sarsılmış nikah problemləri arxa plana keçir. Qadın Tomminin əslində kim olduğunu və nə gizlətdiyini anlamaq üçün şəxsi araşdırmasına başlamaq məcburiyyətində qalır.

Böyük Britaniya istehsalı olan «Coldwater» detektiv dram trilleri 2025-ci ildə işıq üzü görüb. Serialın rejissor kürsüsündə Li Heyven Cons və Endrü Kamminq əyləşib. Əsas rolları Endrü Linkoln, Yuen Bremner, İndira Varma və İv Mayls canlandırıb.