Rayskiy

İstintaqçı Maksim Rayskiy ən xırda ipuclarına əsaslanaraq cinayətlərin tam mənzərəsini bərpa etmək və qanun pozucularının niyyətlərini duymaq bacarığına malikdir. Həmkarları onun bu nadir istedadını yüksək qiymətləndirsə də, mürəkkəb xarakteri ilə yola getmək hər zaman çətin olur. Yaxın dostunun ölümündə özünü təqsirkar bilən Maksim xidmətdən uzaqlaşır və düz bir il heç kimlə əlaqə saxlamır.

Həmin müəmmalı hadisə ilə bağlı yeni faktlar üzə çıxdıqda, o, yenidən işinə qayıtmaq məcburiyyətində qalır. Rayskiy həm həqiqəti tapmalı, həm də komandanın hörmətini yenidən qazanmalıdır. Eyni zamanda o, həyatının əsas qadını olan rəisi Olqa Oragevanın etimadını da bərpa etməyə çalışır.

«Rayskiy» adlı Rusiya istehsalı olan dedektiv serialı iki mövsümdən ibarətdir və 2021-ci ildə ekranlara çıxıb. Layihənin rejissorluğunu Boris Rabey və Yevgeni Soloqalov edib, əsas rolları isə Vladimir Jerebtsov, Mariya Berseneva, Aleksey Vesyolkin və Kristina Şelobkova canlandırıb.