Qar

Həkim Lusiya ailəsi ilə birlikdə Rotten adlı dağ kəndinə köçür. Bu qərarın əsas səbəbi onun ağır astma xəstəliyindən əziyyət çəkən on yaşlı qızı Almanın vəziyyətidir. Ana təmiz dağ havasının qızına şəfa verəcəyinə ümid bəsləyir, lakin qış kurortunda qarın yağmaması səbəbindən hər şey gözlənildiyi kimi getmir.

Lusiyanın əri Mattinin valideynləri bölgənin ən böyük otel sahibləridir və turistləri cəlb etmək üçün dağ silsiləsini partladıb yeni stansiya tikmək istəyirlər. Həmin ərəfədə əriyən buzlaq illərdir gizli qalmış bir cəsədi üzə çıxarır, ardınca isə balaca Alma qəfil yoxa çıxır. Övladını xilas etməyə çalışan Lusiya dağın ətrafında dolaşan qədim əfsanələrlə üz-üzə qalır.

«Schnee» adlı Avstriya istehsalı olan detektiv triller serialı 2023-cü ildə işıq üzü görüb. Layihənin rejissor kürsüsünü Ester Hassfurter və Katalina Molina bölüşür. Əsas rollarda Bricit Hobmayer, Robert Ştadlober və Mari-Luiz Ştokinger çəkiliblər.