Reckoning

Məktəb psixoloqu Leo Doyl və qətl şöbəsinin dedektivi Mayk Serrato kənardan qayğıkeş ailə başçıları təsiri bağışlayırlar. Hər iki ata övladlarının rifahı naminə hər addımı atmağa hazırdır, lakin onlardan biri əslində qaniçən qatildir. Daxildəki qaranlıq hisslər üzə çıxdıqca dinc və nümunəvi həyat sürmək cəhdləri puça çıxır.

Sakit şəhərətrafı qəsəbədə gənc qızları izləyən bir manyakın peyda olması xəbəri sakinlər arasında təşviş yaradır. Yerli yuxarı sinif şagirdlərindən birinin qəfil itkin düşməsi ilə rəsmi axtarışlar başlayır. Bu cinayət araşdırması zaman keçdikcə Mayk ilə Leo arasında gözlənilməz nəticələrə aparan şəxsi qarşıdurmaya çevrilir.

ABŞ və Avstraliya istehsalı olan «Reckoning» adlı cinayət dramı və triller serialı 2019-cu ildə təqdim edilib. Ekran işinin rejissorluğunu Şon Sit və Cennifer Lisi həyata keçirib. Baş rolları Aden Yanq, Sem Tremmell, Simona Kessel və Lora Qordon canlandırıblar.