Tale ilə selfi

Fizika-riyaziyyat elmləri professoru İlya Subbotin cinayətlərin üstünü açmağı qeyri-adi bir məşğuliyyətə çevirib. Sokolniçye kəndindəki suvenir dükanında yaşlı bir qadın boğularaq qətlə yetirilir. Hadisədən dərhal sonra yerli sərxoş saxlanılsa və iş bağlanmış hesab edilsə də, İlya bu nəticə ilə razılaşmır və həqiqəti tapmaq üçün araşdırmaya başlayır.

İpucuları professoru yerli istirahət evinə aparır və burada şübhəli şəxslərin dairəsi xeyli genişlənir. Qonaqlar arasında nəsə gizlədən bələdçi qadın, ekstravaqant şairə, qəribə bir gənc, yaşlı centlmen, internetdən ayrılmayan bir cütlük, kədərli gözəl və tanınmış rejissor var. İlya bu insanlardan hansının əsl qatil olduğunu üzə çıxarmalıdır.

Rusiyanın «Tale ilə selfi» detektiv serialı 2018-ci ildə ekranlara çıxıb. Pyotr Amelinin rejissorluq etdiyi layihədə əsas rolları Anton Xabarov, Anastasiya Loşakova, Yekaterina Reşetnikova və Aleksey Mitin canlandırıb.