Dünyanın yaranmasından dərhal sonra

Gənc həyat yoldaşının xəyanətindən sonra Aleksey Pletnyov əvvəllər ona sevinc gətirən hər şeydən — işindən, dostlarından və qazandığı var-dövlətdən soyuyur. Qırx illik yubileyi günündə o, şəhərdən uzaqlaşaraq Ostrov adlı kimsəsiz kənddəki köhnə evinə sığınmağa qərar verir. Kişi burada dincəlmək və daxili rahatlıq tapmaq istəyir.

Lakin kənd həyatı heç də düşünüldüyü kimi sakit keçmir. Alekseyin qonşuluğunda yaşayan qoca meşəbəyi qətlə yetirilir, digər sakinlər isə soyğuna məruz qalır, halbuki burada əvvəllər qapılar heç vaxt qıfıllanmırdı. Təhlükələrə baxmayaraq, Pletnyov kəndi tərk etmir, çünki burada ev tapmaqla yanaşı, Nelli adlı gənc qadınla da tanış olur.

Rusiyanın 2013-cü il istehsalı olan «Dünyanın yaranmasından dərhal sonra» detektiv serialının rejissoru Aleksandr Daruqadır. Baş rolları Andrey Çernışov, Serafima Nizovskaya, Dmitri Surjikov və Veronika Plyaşkeviç canlandırıblar.