Edvin Drudun sirri

Edvin Drud və gənc Roza Bad uşaqlıqdan nişanlı olsalar da, onların arasında sevgi yoxdur. Gənclər bir-birlərinə sadəcə yaxın dost münasibəti bəsləyirlər. Lakin qıza qarşı güclü hisslər keçirən başqa bir adam var: Edvinin özündən bir neçə yaş böyük olan əmisi Con Caspert.

Qəlbindəki gizli ehtirasın təsiri ilə Caspert öz qardaşı oğlunu aradan götürmək fikrinə düşür. Üstəlik, şəhər kilsəsində xor ifaçısı olan bu adam gizli şəkildə tiryək aludəçisidir. O, Londonun qaranlıq bir yerində yaşayan və nədənsə ona nifrət bəsləyən yaşlı bir qadının daxmasına tez-tez baş çəkir.

Böyük Britaniya istehsalı olan «The Mystery of Edwin Drood» adlı detektiv dram serialı 2012-ci ildə rejissor Dirmud Lourens tərəfindən çəkilib. Əsas rollarda Metyu Riz, Freddi Foks, Təmzin Mörçant və Rori Kinner çıxış edirlər.