Orion qurşağı

Ssenarist Toneçka Morozova həm dincəlmək, həm də növbəti layihəsi üzərində işləmək məqsədilə tanınmış prodüser Aleksandr Qermanla birlikdə Vıborq şəhərinə yollanır. Qermanın bu səfərdə gizli bir planı var: o, Toneçkaya aşpaz kimi təqdim etdiyi, lakin şübhəli keçmişə sahib köhnə tanışı Kondrat Yermolayevlə görüşməlidir.

Görüş anında hadisələr gözlənilməz istiqamət alır və Kondrat həyat yoldaşını qətlə yetirməkdə şübhəli bilinərək cütlüyün gözü qarşısında saxlanılır. Aleksandrın nələrisə gizlətdiyini anlayan Toneçka sirli hadisələrin kökünü araşdırmağa başlayır. Qadın qısa zamanda başa düşür ki, sevdiyi insan tamam başqa biridir və onun öz həyatı ciddi təhlükə altındadır.

«Orion qurşağı» adlı Rusiya istehsalı kriminal detektiv serialı 2020-ci ildə ekranlara çıxıb. Ekran əsərinin quruluşçu rejissoru Pyotr Amelindir. Layihədə əsas obrazları Natalya Rıçkova, Eduard Truxmenev, Pavel Qriqoryev və Vitali Kononov canlandırıblar.