Fantomas

Yüksək təbəqənin nümayəndələri qorxulu cinayətlərin qurbanına çevrilir: qatarda markiza boğularaq qətlə yetirilir, knyaginya şəxsi mülkündə qarət edilir, itkin düşmüş lord Beltamın cəsədi isə Gern adlı birinin mənzilindəki böyük sandıqda tapılır. Şəhərdə baş verən bu hadisələr böyük ajiotaj yaradır.

Paris polisi müfəttişi Juv bütün bu qanlı əməllərin arxasında qorxunc cinayətkar Fantomasın dayandığına inanır. Təhlükəli qatili və qarətçini ələ keçirmək istəyən müfəttiş, kriminal xəbərlər üzrə reportyor Fandor ilə əməkdaşlıq etməyə qərar verir. Onlar birlikdə qatilin izinə düşərək gərgin axtarışa başlayırlar.

Kriminal triller janrında çəkilmiş «Fantomas» serialı 1980-ci ildə Fransa və AFR kinematoqrafçıları tərəfindən istehsal olunub. Ekran əsərinin rejissorluğunu Klod Şabrol və Xuan Luis Bunyuel həyata keçirib. Baş rolları Helmut Berger, Jak Düfilo, Pyer Male və Geyl Hannikat canlandırıblar.