Açıq dəniz

1940-cı illərdə böyük sərnişin gəmisi müharibənin ağrı-acısından uzaqlaşmaq istəyən insanlarla birlikdə Avropadan Cənubi Amerikaya doğru yola çıxır. Yeni bir həyat qurmaq arzusu ilə səyahət edənlər arasında Karolina və Yeva adlı iki bacı, eləcə də gəmi zabiti Nikolas Sala var.

Lakin yolun gedişatını qəfil baş verən hadisə alt-üst edir: göyərtədə kimliyi naməlum bir insanın cəsədi tapılır. Həmin şəxsin adı sərnişin siyahılarında yer almır və gəmidəki heç kim onu xatırlamır. Bacılar zabit Nikolas ilə əlbir olub cinayətin izinə düşür, araşdırma zamanı isə məlum olur ki, səyahətçilərin demək olar hər birinin gizlətdiyi sirri var.

İspaniya istehsalı olan «Açıq dəniz» (Alta mar) detektiv serialı Lino Eskalera və Manuel Qomes Pereyra tərəfindən çəkilib. Üç mövsümdən ibarət layihədə baş rolları İvana Bakero, Con Kortaxarena, Alexandra Oniyeva və Eloy Asorin canlandırır.