Bumeranq qanunu

Prokuror Neverov qətl üzrə məhkəmə prosesində ittihamçı qismində iştirak etmək üçün təyinat alır. Müttəhimlər kürsüsündə oturan şəxsin keçmiş sevgilisi Katya olduğunu görəndə vəziyyət tamamilə dəyişir. Onların tanışlığı on il əvvəl Neverovun xidməti işlə əlaqədar getdiyi kiçik bir şəhərdə başlasa da, münasibətləri uzun çəkməmişdi.

İllər sonra yolları yenidən kəsişən prokuror indi bir vaxtlar sevdiyi qadını xilas etmək məcburiyyətində qalır. O, Katyanın günahsız olduğunu sübut edəcək dəlilləri axtarmağa başlayır. Lakin araşdırma dərinləşdikcə bu işin təcrübəli hüquqşünasın təsəvvür etdiyindən qat-qat mürəkkəb olduğu üzə çıxır.

Rusiyanın «Bumeranq qanunu» («Zakon bumeranga») adlı detektiv serialı 2022-ci ildə ekranlara çıxıb. Rejissor Vsevolod Aravinin çəkdiyi layihədə baş rolları Pavel Popov, Aleksandra Nikiforova, Yuliya Qalkina və Boris Şerbakov canlandırır.