Ağcaqayın meşəliyi

1985-ci ildə xarici dillər fakültəsinin məzunu Tanya Katayeva sovet elitasının məskunlaşdığı xüsusi qəsəbəyə gəlir. Əyalətdən olan bu gənc qız nüfuzlu memarlıq məmuru professor Zabelinin nəvəsinə fərdi müəllimlik etmək üçün dəvət alır. Burada o, yüksək vəzifəli şəxslərin imtiyazlı həyatı, xidmətçilər və xarici səfərlərlə dolu qapalı dünyası ilə tanış olur.

Sakit və qayğısız görünən bu mühitdəki rahatlıq uzun sürmür. Axşam saatlarının birində Tanya qəsəbədə baş verən qətl hadisəsinin təsadüfi şahidinə çevrilir. Beləliklə, gənc müəllimə sovet cəmiyyətinin qaymaqlarının gizlətdiyi təhlükəli sirlərin və cinayət hadisəsinin bir hissəsi olur.

«Beryozovaya roşa» adlı Rusiya istehsalı olan dedektiv serial 2021-ci ildə rejissor Kira Angelina tərəfindən çəkilib. Melodram elementləri ilə zəngin olan iki mövsümlük layihədə baş rolları İrina Pautova, Alyona Xmelnitskaya, Yuri Baturin və Aleksandra Kaştanova canlandırır.