"Ağ qarğa"nın sirri

Bir neçə müəmmalı ölüm hadisəsini araşdıran Maşa və Maksimin yolu "Ağ qarğa" adlı əsəb xəstəlikləri klinikasına düşür. Şübhələrin mərkəzində isə burada çalışan qalmaqallı psixoterapevt Asya Mayevskaya dayanır. Maşa baş verən cinayətlərin birbaşa həkimlə bağlı olduğunu düşünsə də, Asyanın təsirinə düşən Maksim onu sadəcə təqib edilən günahsız qurban hesab edir.

Həqiqəti üzə çıxarmaq istəyən Maşa xəstəxanaya gizlicə daxil olmağa qərar verir. O, psixoz vəziyyətini imitasiya edərək Mayevskayanın şöbəsinə yerləşir, lakin tezliklə anlayır ki, bu müəssisədən sağ-salamat çıxmaq heç də asan deyil.

2023-cü ildə çəkilmiş Rusiya istehsalı olan ""Ağ qarğa"nın sirri" detektiv serialının quruluşçu rejissoru Olqa Landdır. Əsas obrazları Darya Parmenenkova, Pavel Xarlançuk, Oleq Savtsov və Kira Kaufman canlandırıblar.