Qara laquna

İspaniyanın ən nüfuzlu ailələrinin övladları üçün nəzərdə tutulmuş «Qara laquna» pansionat-məktəbində yeni tədris ili başlayır. Bura yenicə qədəm qoyan on yeddi yaşlı Markos və onun kiçik bacısı Paula hamının öldüyünü düşündüyü valideynlərinin sağ qaldığına inanırlar. Elə həmin ərəfədə psixiatriya xəstəxanasından qaçan Mariya adlı gənc qadın illər əvvəl oğurlanmış oğlunun burada təhsil aldığını öyrənərək məktəbə xadimə kimi işə düzəlir.

Məktəbin yerləşdiyi meşəlik ərazi saysız-hesabsız müəmmalarla doludur. Bu qaranlıq məkanda vaxtaşırı insanlar yoxa çıxır, ətrafda mifik varlıqların dolaşdığı deyilir və gecələr ağlasığmaz hadisələr baş verir. Qəhrəmanlar həm öz şəxsi axtarışlarını davam etdirməli, həm də pansionatın gizlətdiyi təhlükəli sirlərlə üzləşməli olurlar.

İspaniya istehsalı olan bu detektiv və triller janrlı serial 2007-ci ildə işıq üzü görüb və ümumilikdə 7 mövsümdən ibarətdir. Ekran işinə Xesus Rodriqo və Aleksandra Qraf rejissorluq edib. Əsas obrazları Martino Rivas, Yon Qonsales, Blanka Suares və Ana de Armas canlandırıb.