Vəkil Ardaşev. Sularda qətl

İyirminci əsrin əvvəllərində Qafqaz Mineral Suları təkcə kurort məkanı kimi deyil, qumar həvəskarlarının toplaşdığı mərkəz kimi də tanınır. Kislovodsk şəhərində ard-arda peşəkar kart fırıldaqçıları öldürülür. Bu qətllərin ən qəribə tərəfi isə hər bir cinayətin baş verəcəyini yerli psixiatriya xəstəxanasının pasiyentinin əvvəlcədən xəbər verməsidir.

Qarışıq hadisənin izinə andlı iclasçı vəkil Klim Panteleyeviç Ardaşev düşür. O, xəstəxana sakininin qəribə öncəgörmələri ilə həyatını itirən fırıldaqçılar arasındakı gizli əlaqəni tapmağa çalışır. Cinayətlərin qarşısını almaq üçün təcrübəli hüquqşünas məsələni dərindən araşdırmalı olur.

2019-cu ildə çəkilmiş Rusiya istehsalı olan «Адвокатъ Ардашевъ. Убийство на водах» detektiv serialının rejissoru Aleksey Kolmoqorovdur. Ekran əsərində əsas obrazları Anton Xabarov, Aleksandr Bobrov, Pyotr Kudryaşov və Sergey Laktyunkin canlandırırlar.