Jurnalistin son məqaləsi

1980-ci illərin əvvəllərində «Pskovskaya pravda» qəzetinin müxbiri Oleq Verxovtsev yalnız şəxsi müşahidələrinə əsaslanaraq yazmağa üstünlük verir. Ölüm cəzasına məhkum edilənlərin saxlandığı kameradan reportaj hazırlamaq üçün o, qeyri-adi bir yola əl atır. Vəzifəli tanışlarının köməyi ilə saxta ittihamla həbs olunmağa və materialı toplayandan sonra sərbəst buraxılmağa razılaşır.

Lakin hadisələr gözlənilməz istiqamətdə inkişaf edir və qurulan plan tamamilə pozulur. Oleq güllələnmə cəzasından çətinliklə xilas olsa da, on beş il müddətinə dəmir barmaqlıqlar arxasına göndərilir. Ən acınacaqlısı isə odur ki, onun günahsızlığına hətta həyat yoldaşı Polina da şübhə ilə yanaşır.

2016-cı ildə ekranlara çıxan «Последняя статья журналиста» Rusiya istehsalı olan dramatik detektiv serialıdır. Layihənin rejissor kürsüsündə Yevgeni Soloqalov və Viktor Tatarski əyləşib, baş rolları isə Dmitri Palamarçuk, Aqniya Ditkovskite, Vladimir Sterjakov və Karen Badalov canlandırıb.