Dəvədələyi: Əzəli günah

İyirmi il əvvəl beş kişinin qətlində təqsirli bilinərək dəmir barmaqlıqlar arxasına göndərilən «Dəvədələyi» ləqəbli qatil yenidən gündəmə gəlir. Şəhərdə onun cinayət üsulunu dəqiqliklə təkrarlayan yeni bir təqlidçi peyda olur. Çıxılmaz vəziyyətdə qalan hüquq-mühafizə orqanları yeni cinayətkarı tapmaq üçün məhbus qadının təcrübəsinə müraciət etməli olur.

Qatil əməkdaşlığa razılıq versə də, iki sərt şərt irəli sürür. Axtarış müddətində o, həbsxanadan kənarda yaşamalı və istintaqı illər əvvəl adını dəyişərək polis sisteminə qoşulan doğma oğlu ilə birgə aparmalıdır. Anası ilə heç bir əlaqə qurmaq istəməyən gənc zabit bu mürəkkəb ortaq təhqiqata cəlb olunur.

«Dəvədələyi: Əzəli günah» (Samagwi: sarinjaui oechul) 2025-ci il istehsalı olan Cənubi Koreya detektiv və triller serialıdır. Layihənin rejissor kürsüsündə Pyon Yon-cu əyləşib. Baş rolları Ko Hyon-con, Can Don-yun, Co Son-ha və Li El canlandırırlar.