Pinokkio

Çhve İn-ha qeyri-adi bir vəziyyətdən əziyyət çəkir: yalan danışmağa cəhd edən kimi onu hıçqırıq tutur. Bu xüsusiyyətinə görə o, xəbər müxbiri olmağa qərar verir, çünki bu peşə sahiblərinin yalnız həqiqəti söyləməli olduğunu düşünür.

Saxta ad altında yaşayan Çhve Dal-pho isə əksinə, həqiqətin həmişə faydalı olmadığı qənaətindədir. Bununla belə, güclü yaddaşı və natiqlik bacarığı onun mətbuat bürosunda reportyor kimi fəaliyyət göstərməsinə kömək edir.

2014-cü ildə Cənubi Koreyada çəkilmiş «Pinokio» serialı detektiv və melodram janrlarını birləşdirir. Ekran əsərinin rejissoru Ço Su-vondur. Əsas rolları Li Con-sok, Pak Şin-he, Byon Hi-bon və Çin Qyon canlandırıblar.