Kasl

Tanınmış detektiv yazıçısı Riçard Kasl sonuncu əsərində əsas qəhrəmanını öldürdükdən sonra yaradıcılıq axtarışına çıxır. Lakin şəhərdə peyda olan naməlum qatil onun kitablarındakı cinayət səhnələrini eynilə təkrarlamağa başlayır. Nyu-York polisinin qətllər şöbəsi bu təhlükəli cinayətkarı tapmaq məqsədilə məsləhət üçün məhz yazıçıya müraciət edir.

Polislərlə əməkdaşlıq etməyə başlayan müəllif bu təcrübəni yeni kitabları üçün ilham mənbəyi kimi görür. Ədəbi təxəyyülü və hadisələri fərqli tərəfdən görmək bacarığı detektivlərə ən mürəkkəb cinayətləri çözməkdə kömək olur. Beləliklə, yazıçı ilə hüquq-mühafizə orqanlarının əməkdaşları arasında maraqlı bir iş birliyi yaranır.

ABŞ istehsalı olan «Castle» serialı 2009-cu ildə yayımlanmağa başlayıb və 8 mövsümdən ibarətdir. Ekran işinin rejissorları Rob Boumen və Con Terleskidir, əsas rolları isə Neytan Fillion, Stana Katik, Con Uertas və Şeymus Dever canlandırıblar.