Təqsirsiz

Arxeologiya üzrə professor olan Roksana xoşbəxt ailəsi və sevdiyi işi ilə sakit bir həyat sürürdü. Maya mədəniyyətinə aid qədim maskanı qiymətləndirmək üçün getdiyi şəxsi evdə baş verənlər onun bütün taleyini alt-üst edir. Huşu özünə gələndə o, naməlum kişinin meyitinin yanında uzandığını görür və qorxu içində oradan uzaqlaşır. Bütün şübhələr onun üzərinə yönəlir və məhkəmə qadını on iki il azadlıqdan məhrum edir.

Səkkiz ili dəmir barmaqlıqlar arxasında keçirdikdən sonra Roksana vaxtından əvvəl azadlığa buraxılır. Yaşadığı ağır illər onun ədalət axtarışına mane ola bilmir. Artıq azad olan qadın adını təmizə çıxarmaq və o gecə nələrin baş verdiyini öyrənmək üçün təkbaşına həqiqətin izinə düşür.

Fransa istehsalı olan «Innocente» («Təqsirsiz») kriminal detektiv serialı 2016-cı ildə təqdim edilib. Ekran işinin rejissoru Lionel Bayudur. Baş rolları Janna Burno, Laura Cenovino, Saqamor Stevenen və Malik Elakehal El Miliani canlandırıblar.