Glacé

Fransanın Pireney dağlarında yerləşən sakit bir qəsəbənin iki sakini qarlı ərazidə dəhşətli mənzərə ilə qarşılaşır. Onlar dərindən dondurulmuş, başı kəsilmiş və dərisi soyulmuş bir at cəsədi tapırlar. Çox keçmədən bəlli olur ki, bu at qəsəbədə heç kimin sevmədiyi yerli varlı Erik Lombara məxsusdur və onun qiyməti altı yüz min avro civarındadır.

Heyvanın vəhşicəsinə məhv edilməsi ətrafda böyük təşviş yaradır və araşdırmanın başlanmasına səbəb olur. Hadisənin izinə düşənlər varlı sahibkar ilə yerli əhali arasındakı gizli ziddiyyətləri və üstü örtülmüş narazılıqları üzə çıxarmağa başlayır.

2016-cı il istehsalı olan «Glacé» adlı Fransa serialının rejissoru Loran Erbyedir. Baş rolları Şarl Berlen, Culiya Pyaton, Sofi Qilmen və Alen Fromaje canlandırıb.