Benkroft

Elizabet Benkroft həmkarları tərəfindən böyük rəğbət bəslənən təcrübəli polis işçisidir. Cinayətkarlara qarşı qətiyyətli mövqeyi və inadkarlığı sayəsində qarşısına qoyduğu hədəflərə çata bilir. Lakin zərurət yarandıqda qanun keşiyində duran bu qadın birmənalı qarşılanmayan vasitələrdən belə çəkinmir.

Uğurlu karyerasına baxmayaraq, Elizabetin şəxsi keçmişində hər şey qaydasında getməyib. Onun əvvəlki həyatında gizlətməyə çalışdığı qaranlıq məqamlar var. Gizli qalan bu sirlər zaman keçdikcə üzə çıxmaq təhlükəsi yaradır və baş qəhrəmanı çətinliklərlə üz-üzə qoyur.

Böyük Britaniya istehsalı olan «Bancroft» serialı 2017-ci ildə nümayiş olunub. Con Heyes və Lourens Qofun rejissorluq etdiyi layihədə baş rolları Sara Periş, Rayan Makken, Adam Lonq və Li Bordman canlandırıb. Detektiv dram iki mövsümdən ibarətdir.