Pişikcik

Veterinar Katerina Blaqova növbəti gecəni işlədiyi klinikada keçirir. Qəfil gələn naməlum şəxs küçədə tapdığı ağır zəhərlənmiş pişiyi ona təhvil verir. İlk baxışdan siçan dərmanı yemiş sahibsiz heyvan təsiri bağışlasa da, həkim onun ev pişiyi olduğuna şübhə etmir.

Katerina heyvanın sahibini tapmağa çalışır və tək yaşayan yaşlı qadının izinə düşür. Tezliklə aydın olur ki, həmin qadının mənzilinə bu yaxınlarda yeni bir kirayəçi köçüb və bundan sonra pişik çölə atılıb. Sadə görünən hadisə tədricən dolaşıq bir araşdırmaya çevrilir.

Rusiyada istehsal olunmuş «Pişikcik» detektiv serialı iki mövsümdən ibarətdir. Ekran əsərinin quruluşçu rejissoru Aleksey Prazdnikovdur, baş rolları isə Mariya Maşkova, Dmitri Miller, Daniil Spivakovski və Anton Voxmin canlandırıb.