Yaxşı ad

Keçmiş polis kapitanı Anton Dobryakov fərdi xəfiyyə kimi fəaliyyət göstərir və fitri istedadı sayəsində mürəkkəb cinayətlərin üstünü ardıcıl olaraq açır. O, xidmətə qayıtmaq arzusunda olsa da, yerli polis şöbəsinin rəisi Şubinlə olan kəskin düşmənçilik buna mane olur. Məhz onunla əlbəyaxa davadan sonra orqanlardan ayrılan Anton, Şubini şöbənin əvvəlki rəhbəri İvan Krestova qarşı təşkil edilən sui-qəsddə günahkar bilir.

Baş qəhrəmanın ailə həyatı da sakit keçmir. Dobryakovun hüquq-mühafizə orqanlarında çalışan həyat yoldaşı Zoya ilə münasibətləri qısqanclıq və çətin xarakterlər üzündən tez-tez boşanma həddinə çatır. Cütlüyü bir-birinə bağlayan əsas amil ortaq itkidir: Zoyanın atası, polkovnik Sviridov illər öncə polis idarəsinin qapısı ağzında qətlə yetirilib. Bu cinayəti törədən sifarişçini üzə çıxarmaq Anton üçün ən mühüm vəzifəyə çevrilir.

«Yaxşı ad» adlı Rusiya istehsalı olan dedektiv serialı 2014-cü ildə ekranlara çıxıb. Ekran əsərinin quruluşçu rejissoru Aleksandr Aravindir. Əsas obrazları Marat Başarov, Anatoli Qolub, Pavel Xarlançuk və Konstantin Vorobyov canlandırıblar.