Buz evi

Şəhərdən uzaqda yerləşən sakit malikanədə üç qadın gözdən iraq həyat sürür. Bağbanın köhnə buz anbarında yarı parçalanmış bir cəsəd tapması ilə onların dinc günləri sona çatır. Qonşuluqda yaşayanlar bu qadınlara çoxdan nifrət və şübhə ilə yanaşırlar. Yerli sakinlərin narazılığı on il əvvəl qadınlardan birinin ərinin müəmmalı şəkildə yoxa çıxması ilə başlamışdı.

İstintaqı aparmaq keçmişdəki yoxa çıxma hadisəsini araşdırmış həmin polis məmuruna tapşırılır. O, bu dəfə ev sahiblərinin sirrini açmaqda qərarlıdır. Lakin onun ailə problemləri yaşayan köməkçisi şübhəli qadınlardan birinə qarşı peşə çərçivəsindən kənar maraq göstərməyə başlayınca vəziyyət daha da qəlizləşir.

1997-ci il istehsalı olan «The Ice House» detektiv serialı Böyük Britaniyada rejissor Tim Fayvell tərəfindən çəkilib. Baş rolları Frensis Barber, Kitti Eldric, Korin Redqreyv və Penni Dauni canlandırırlar.