Vəkil

Moskva ətrafındakı su hövzəsinin yaxınlığında qətl hadisəsi törədilir. Əməliyyatçılar hadisə yerinin yaxınlığında təsadüfən motosikletlə gəzən gəncləri görürlər. Qorxuya düşərək qaçmağa çalışan yeniyetmələr şübhələri öz üzərlərinə çəkirlər və Varentsov adlı gənc həbs edilir.

Məhkəmə prosesi gəncin təqsirsiz olduğunu sübuta yetirsə də, təhqiqata cəlb olunan yeni müstəntiq saxta dəlillərlə yeni ittiham irəli sürür. Nəticədə Varentsov güllələnmə cəzasına məhkum olunur. Ədalətsizliklə qarşılaşan gənc hüquqşünas məhbusu ölüm hökmündən xilas etmək üçün mübarizəyə başlayır.

«Vəkil» kriminal detektiv serialı 1990-cı ildə SSRİ-də rejissor İskəndər Həmrayev tərəfindən çəkilib. Çoxseriyalı dramın əsas rollarını Andrey Taşkov, Denis Serdyukov, Yuozas Kiselyus və Vladimir Menşov canlandırıb.