El Caso. Hadisələrin xronikası

«El Caso. Crónica de sucesos» adlı İspaniya istehsalı olan detektiv serialı kriminal xəbərləri işıqlandıran məşhur həftəlik qəzetin redaksiyasında baş verənlərdən bəhs edir. Qəzetin reportyorları cəmiyyətdə səs-küy doğuran müxtəlif cinayət hadisələrinin ardınca düşür.

Serialın hər bölümündə bu populyar mətbuat orqanının səhifələrində dərc edilmiş və ya potensial olaraq manşetə çıxa biləcək real cinayətlər araşdırılır. Qəzet əməkdaşları şahidləri dindirir, hadisə yerlərinə yollanır və öz müstəqil təhqiqatlarını aparırlar.

Kriminal layihə 2016-cı ildə rejissorlar İnyaki Mersero və Xavyer Kintas tərəfindən ekranlaşdırılıb. Əsas rolları Fernando Gilyen Kuervo, Veronika Sançes, Antonio Qarrido və Fransisko Ortis canlandırıblar.