Sapfir sırğalar

Fizioterapevt Olqa Solovyova boşanmadan sonra yeniyetmə oğlunu təkbaşına böyüdür. Növbəti xəsarətindən sonra bərpa kursu keçən ehtiyatda olan polkovnik Mixail Zorin onun qəbuluna gələndə qadının sakit həyatı dəyişir. Həkimin zərifliyi və sapfir sırğaları dərhal Mixailin diqqətini çəkir. Tezliklə onların arasında hisslər yaranır və birlikdə yaşamağa qərar verirlər.

Lakin Olqanın oğlu anasının yeni seçiminə qətiyyən inanmır və bu yad adamın nəsə gizlətdiyini düşünür. Sevgidən gözü bağlanan qadın isə oğlunun narahatlığına əhəmiyyət vermir. Çox keçmədən Olqanın keçmiş ərinə qarşı sui-qəsd törədilir və əsas şübhələr Mixailin üzərinə düşür. Təhlükəli cinayətkarla yaşadığından şübhələnən Olqa həqiqəti tapmaq üçün şəxsi araşdırmaya başlayır və yaxınlarının gizlətdiyi sirri üzə çıxarır.

«Sapfir sırğalar» («Seryojki s sapfirami») adlı Rusiya istehsalı olan dedektiv serial rejissor Aleksey Prazdnikov tərəfindən çəkilib. 2020-ci ildə ekranlara çıxan kriminal dramda əsas obrazları Tatyana Arntqolts, Konstantin Strelnikov, Semyon Arzumanov və Maksim Mityaşin canlandırıb.