Çarpıntı

Aslı Günəş körpəlikdən bəri ağır ürək xəstəliyindən əziyyət çəkir. Sevgilisi Əmrənin anası ilə gərgin söhbətdən sonra qəfil ürək tutması keçirən gənc qız dərhal xəstəxanaya çatdırılır. Eyni vaxtda qəzaya düşmüş varlı ailənin övladı Məlikə Alkan da həmin tibb müəssisəsinə gətirilir. Həkimlər Məlikənin həyatını xilas edə bilmirlər və onun ürəyini Aslıya köçürürlər.

Əməliyyatdan sonra Aslı donorun anası ilə tanış olur və qadın onu öz doğma övladı kimi evinə qəbul edir. Lakin Aslının anası Hülya qarşı tərəfin kədərindən istifadə edərək qızından xəbərsiz pul tələb etməyə başlayır. Məlikənin qardaşı Aras isə bu vəziyyətdən narazı qalır və ailəsinin pullarına göz dikildiyini düşünür.

2025-ci ildə Türkiyədə çəkilən «Çarpıntı» serialı dram və detektiv janrlarını birləşdirir. Layihənin rejissor kürsüsündə Burcu Alptəkin və Alptəkin Bozkurt əyləşib. Əsas rolları Sibel Taşçıoğlu, Kerem Bürsin, Lizge Cömert və Dəniz Çakır canlandırıblar.