Freud

On doqquzuncu əsrin sonlarında Vyanada qəddar cinayətlər dalğası başlayır. Naməlum qatil küçə qadınlarını, uşaqları və yerli zadəganları hədəfə alır, polis isə onun izinə düşə bilmir. Belə bir vaxtda keçmiş əsgər Alfred Kiss hələ elmi dairələrdə tanınmayan gənc həkim Ziqmund Freydlə əməkdaşlıq etmək qərarına gəlir.

Yüksək təbəqənin məclislərində vaxt keçirən gənc psixiatr burada qeyri-adi qabiliyyəti olan Fleur adlı qadınla qarşılaşır. Növbəti qətllərin yerini öncədən görən və insanları dərhal təhlil edən bu qadın onlara qoşulur. «Freud» serialının qəhrəmanları öz əməllərində hipnoz üsulundan ustalıqla yararlanan cinayətkarların ardınca düşürlər.

Almaniya və Avstriya istehsalı olan bu kriminal detektiv layihəsinin rejissoru Marvin Krendir. 2020-ci ildə ekranlara çıxan ekran əsərində əsas obrazları Robert Finster, Ella Rumpf, Kristof F. Krutsler və Haynts Triksner canlandırıb.