Açılmamış istedad

Volqa sahilindəki sakit şəhərə yeni baş rejissor Vişnevetskinin gəlişi gözlənilməz cinayətlərlə üst-üstə düşür: şəhərdə silsilə qətllər törədən bir cani peyda olur. İşi araşdıran müstəntiq Butko teatrın aparıcı aktrisası Marina Mayskaya ilə tez-tez qarşılaşır. Maraqlıdır ki, şübhəlilərin demək olar hamısı bu qadınla əlaqəlidir, rejissor özü isə vaxtilə onun həyat yoldaşı olub.

İstintaqa müdaxilə edən Marina özündə qeyri-adi detektivlik bacarığı kəşf edir. Hüquq-mühafizə orqanları qatilin izinə düşərkən, aktrisa teatr kassirinin mərhum ərinin xəyalı ilə bağlı sirri açır və məktəb yoldaşını qətlə yetirən şəxsin tapılmasına kömək edir. Hadisələrin gedişində o, şəhəri qorxuya salan əsas cinayətkarın da kimliyini üzə çıxarmalı olur.

«Açılmamış istedad» detektiv serialı 2016-cı ildə Belarusda çəkilib və 3 mövsümdən ibarətdir. Ekran əsərinin quruluşçu rejissoru Vladimir Yankovskidir, baş rollarda isə Aleksandra Ursulyak, Yuri Baturin, Nikolay İvanov və Yelena Dubrovskaya çəkiliblər.