Siqnal

«Siqnal» serialı kosmik missiya zamanı müəmmalı şəkildə yoxa çıxan Paula adlı qadın astronavtın hekayəsindən bəhs edir. Hadisənin təfərrüatları qaranlıq qalsa da, o, geridə müəyyən ipucları qoymağı bacarır.

Həyat yoldaşı Sven rəsmi açıqlamalarla kifayətlənməyərək itkin düşən qadının izinə düşür və fərdi araşdırmaya başlayır. Gizli işarələri addım-addım çözən kişi həqiqətə yaxınlaşdıqca üzə çıxan faktların təkcə özünə deyil, bütün bəşəriyyətə sarsıdıcı təsir edə biləcəyini anlayır.

Almaniya istehsalı olan bu 2024-cü il ekran işi detektiv, dram və elmi-fantastika janrlarını birləşdirir. Layihənin rejissor kürsüsündə Filipp Layneman və Sebastian Hilqer əyləşib, əsas obrazları isə Peri Baumayster, Nilam Faruq, Mixael Krans və Uve Proyss canlandırıb.