Şubert

Aleksandr Bertenev adi insanların eşidə bilmədiyi səsləri duymaq kimi nadir qabiliyyətə malikdir. O, adi bir telefon qeydindən danışığın harada, nə vaxt və saat neçədə baş tutduğunu dərhal təyin edir. Vaxtilə antiterror bölməsində xidmət etmiş qəhrəman buraxdığı ağır səhv üzündən vəzifəsindən uzaqlaşdırılmışdı.

Şəxsi faciə onu yenidən xüsusi xidmət orqanları ilə bağlayır. Aleksandrın həyat yoldaşı Olqa qətlə yetirilir. Hadisənin izinə düşən baş qəhrəman sevimli qadınının ikili həyat sürdüyünü və arxasında sirli səs şifrələri qoyduğunu üzə çıxarır. «Şubert» serialının qəhrəmanı həqiqəti tapmaq üçün öz qeyri-adi bacarığına arxalanmalı olur.

2017-ci il istehsalı olan bu Rusiya trillerinin quruluşçu rejissoru Yevgeni Bedarevdir. Baş rolları Aleksey Vorobyov, Aleksandra Boqdanova, Stas Şmelyov və Pavel Kraynov ifa edirlər.