Əks sehr qanunu

Moskvaətrafı qəsəbədə yaşayan yerli diyarşünas Pyotr Martınoviç Reşetnikov müəmmalı şəkildə həyatını itirir. Yaşlı kişinin qəfil ölümü qonşuluqda yaşayan təqaüdçü təlim-tərbiyə işləri üzrə direktor müavini Marfa Vasilyevna Korjikovanın şübhəsinə səbəb olur. Təqaüdə çıxdıqdan sonra həvəskar xəfiyyəliyə başlayan qadın bu sirri təkbaşına aydınlaşdırmağa qərar verir.

Bu işdə ona nəvəsi Anfisa yaxından köməklik göstərir. Hadisələrin gedişində gənc qız İlya adlı iş adamı ilə tanış olur. Tezliklə məlum olur ki, həmin şəxs mərhum diyarşünasın doğma qardaşı oğludur. Beləliklə, qəhrəmanlar bir araya gələrək sirli ölümün ardındakı həqiqətləri addım-addım üzə çıxarırlar.

«Zakon obratnoqo volşebstva» («Əks sehr qanunu») çoxseriyalı detektiv layihəsi 2010-cu ildə Rusiyada çəkilib. Ekran əsərinin quruluşçu rejissoru İvan Popovdur. Əsas rolları Lyudmila Arinina, Dmitri Orlov, İrina Peqova və Liliya Kondrova canlandırıblar.