Fibonaççi tapmacası

Elmi konfransda uğurlu çıxış edən riyaziyyatçı Olqa gözlənilməz bir zərbə ilə qarşılaşır. Təbrik üçün verilən güllərin içindən tapdığı anonim məktubda ərinin tələbəsi ilə xəyanət etdiyi yazılır. Analitik təfəkküründən istifadə edən qadın bu ismarıcı göndərən şəxsi asanlıqla müəyyənləşdirir. Lakin şübhələndiyi adam qısa müddət sonra ölü tapılır.

Bundan sonra Olqanın həyatında hər bir addımı Fibonaççi ardıcıllığına bağlanan təhlükəli bir proses başlayır. Rəqəmlərin arxasındakı sirri çözmək və yaxınlarını ölümdən qorumaq üçün o, cavabları öz keçmişində axtarmalı olur. Buraxılacaq hər bir xəta doğmalarının həyatı bahasına başa gələ bilər.

2020-ci ildə çəkilmiş Rusiya istehsalı olan «Fibonaççi tapmacası» serialının rejissoru Mariya Maxankodur. Detektiv melodramda baş rolları Alyona Kolomina, Dmitri Pçela, Dmitri Bloxin və Stanislav Tikunov canlandırıblar.