Eksklüziv

Tanınmış kriminal müxbir sevgilisinin qətlindən sonra əsas şübhəliyə çevrilir. Üzərindəki bu ağır ittihamı təmizləmək üçün onun cəmi bir həftə vaxtı var və bu müddətdə əsl qatili tapmalıdır. Eyni zamanda qadın şəxsi həyatında da çətin seçimlə üz-üzə qalır: gözlənilməz hamiləlik sürətlə irəliləyən karyerasına təsir edə bilər və o, təkbaşına ana olmağa hazır olub-olmadığını düşünür.

Bütün bu gərginliyə baxmayaraq, o, peşə fəaliyyətini dayandırmır. Müxbir parkda cəsədi tapılan şəxslə bağlı xüsusi araşdırma apararaq unikal bir xəbər hazırlamaq qərarına gəlir. Onun başlıca məqsədi həm də bu cinayətdə haqsız yerə təqsirləndirilən bir qadının məsumluğunu sübut etməkdir.

2021-ci il istehsalı olan Rusiyanın «Eksklüziv» detektiv serialına rejissor Olqa Kandidatova quruluş verib. Əsas rolları Mariya Boltneva, Vladimir Seleznyov, Aleksandr Barqman və Andrey Nekrasov canlandırıblar.