Fatal İrs

Əyalət kollecində dərs deyən gənc Vladislav Mixaylovun həyatı toy günü gözlənilməz xəbərlə dəyişir. O öyrənir ki, indiyə qədər doğma bildiyi ailə onu sadəcə övladlığa götürüb. Doxsanıncı illərdə qəyyumları uşağı Qayevin cinayətkar dəstəsindən qorumaq məqsədilə gizlədərək böyüdüblər.

Vaxtilə gizli bizneslə məşğul olmuş və sonradan şəhərin ən nüfuzlu oliqarxına çevrilmiş bu şəxsin ölümü Vladislava keçmişi araşdırmaq imkanı yaradır. O, nişanlısı ilə birlikdə əsl mənşəyini aydınlaşdırmağa çalışır, lakin hər addımda vəziyyət daha da qəlizləşir. Nüfuzlu düşmənin həyatdan getməsi isə köhnə təhlükəni aradan qaldırmır, əksinə yeni problemlərə yol açır.

«Роковое наследство» 2013-cü ildə çəkilmiş Rusiya istehsalı detektiv və macəra serialıdır. Ekran əsərinin quruluşçu rejissoru Sergey Bobrovdur. Əsas rolları İlya Korobko, Viktoriya Romanenko, Alyona Xmelnitskaya və Yevgeni Sidixin canlandırıblar.