Sərnişin

Bordo vağzalında tapılan naməlum şəxsin meyiti polisi dərindən sarsıdır: qatil qurbanın başına böyük bir öküz başı keçirib. Dəmir yolu relsləri arasındakı bu qanlı mənzərə qədim Minotavr əfsanəsini xatırladır. Hadisə yerinin yaxınlığında saxlanılan və yaddaşını tamam itirmiş şübhəli həkim-psixiatr Matias Freyrin yanına göndərilir. İşi araşdıran polis zabiti Anais Şatle həkimlə tanış olur və onların arasında sevgi münasibəti yaranır.

Bu cinayət Prometey və İkar kimi digər mifik personajların obrazına bürünmüş yeni qurbanlar zəncirinin yalnız başlanğıcı olur. Qatilin izinə düşən Anais güclü bir əczaçılıq konserninin fəaliyyətini üzə çıxarır. Şirkətin insanlar üzərində gizlicə sınaqdan keçirdiyi psixotrop maddələr keçmişi tamamilə silərək yeni şəxsiyyət formalaşdırır. Çox keçmədən doktor Freyrin özünün də bu təcrübələrin qurbanı olduğu üzə çıxır.

Fransa istehsalı olan «Sərnişin» serialı 2014-cü ildə rejissor Jerom Kornyuo tərəfindən ekranlaşdırılıb. Detektiv trillerdə baş rolları Jan-Hüq Anqlad, Rafael Aqoqe, Mikael Koen və Osine Şutri canlandırırlar.