Borclu

Keçmiş hərbçi Aleksey Potapov ailəsinə görə xidmətdən ayrılaraq uşaqlara əlbəyaxa döyüş dərsləri keçməyə başlayır. O, mənzil almaq üçün pul toplayır və oğlu Danyanı böyüdür. Lakin sahibkar Semyonovun idarə etdiyi avtomobilin oğlunu vurması ilə hər şey alt-üst olur. Nüfuzlu dostlarının köməyi sayəsində biznesmen cəzadan yayına bilir.

Kədərdən sarsılan ata qisasını özü almaq fikrinə düşür. Əlinə silah alaraq günahkarı cəzalandırmağa çalışan keçmiş xüsusi təyinatlı uğursuzluğa düçar olur və həbsxanaya düşür. İllər sonra cəzasını başa vurub azadlığa çıxan Potapov yenə də intiqam arzusundan əl çəkmir.

«Borclu» detektiv dram serialı 2022-ci ildə Rusiyada çəkilib. Ekran əsərinin quruluşçu rejissoru Armen Nazikyandır. Əsas rolları Sergey Qorobçenko, Sergey Qubanov, Maksim Titov və Natalya Vısoçanskaya canlandırıblar.