Pokopaytes v moyey pamyati

Təqaüdçü Yelizaveta Suxomlinova xüsusi xəfiyyə Vera Berejnayaya müraciət edərək kürəkəni haqqında ifşaedici məlumatlar toplamağı xahiş edir. Əvvəlcə Vera belə bir işlə məşğul olmaq istəmir. Lakin həmin kişinin qızının həyatını alt-üst etdiyini və boşanma halında uşağı əlindən almaqla hədələdiyini öyrəndikdən sonra araşdırmaya başlamağa razılıq verir.

Çox keçmədən müştərinin kürəkəni qətlə yetirilir və Vera qatilin axtarışına qoşulur. Bu hadisələrlə yanaşı, xəfiyyənin uzun müddətdir apardığı ən mühüm şəxsi araşdırması da irəliləməyə başlayır. O, atası haqqında bütün təsəvvürlərini dəyişdirən yeni faktlar tapır və illərdir gizli qalan ailə sirri üzə çıxır.

2021-ci ildə çəkilmiş «Pokopaytes v moyey pamyati» adlı Rusiya istehsalı dedektiv serialının rejissoru Karen Zaxarovdur. Əsas rolları Mariya Kulikova, İvan Kosiçkin, Aleksandr Naumov və Aleksandr Arsenyev canlandırıb.