Kohlrabenschwarz

Ağır boşanma prosesi və emosional tükənmə ilə üzləşən psixoloq Ştefan Şvab dincəlmək üçün Alp dağlarının ətəklərindəki sakit guşəyə üz tutur. Lakin onun dinclik tapmaq cəhdləri boşa çıxır. Ətrafda uşaqlar izsiz-tozsuz yoxa çıxır, naməlum cinayətkarlar isə «günahkar» saydıqları insanları amansızlıqla qətlə yetirirlər.

Baş verən bu müəmmalı hadisələrin kökləri qədim əfsanələrə gedib çıxır və arxaik nağıllar qəfildən gerçəyə çevrilir. «Kohlrabenschwarz» serialının qəhrəmanı həqiqəti üzə çıxarmaq üçün polis əməkdaşı Anna Lyaytner və keçmiş arvadının yeni sevgilisi ilə birlikdə bu qanlı cinayətlərin izinə düşməli olur.

Komediya, qorxu və detektiv janrlarını birləşdirən Almaniya istehsalı layihə 2023-cü ildə işıq üzü görüb. Ekran işinin rejissoru Erik Hafnerdir. Baş rolları Mixael Kessler, Bettina Lamprext, Bettina Simmerman və Soqol Faqani canlandırıb.