Qarğış: Başlanğıc

1980-ci illərin sonunda Tokioda yaşayan Haruka gecələr mənzilində qəribə səslər eşitməyə başlayır. Kasetə kiçik ayaq səslərini yazmağı bacaran qız bu sirri anlamaq üçün paranormal hadisələr tədqiqatçısı Yasuo Odacimaya müraciət edir. Bir müddət sonra Haruka sevgilisinin yanına köçür. Həmin gənc isə yazıçıya ruhları görə bildiyini və ev axtarışı zamanı baş çəkdiyi qorxunc bir məkandan bəri ağ paltarlı qadın xəyalı tərəfindən izlənildiyini etiraf edir.

Eyni vaxtda digər tərəfdə iki məktəbli qız yeni gələn sinif yoldaşlarını dərslərdən sonra yaxınlıqdakı tərk edilmiş bir tikiliyə getməyə razı salır. İllər keçdikcə tamamilə fərqli insanların taleləri bu lənətli evlə faciəvi şəkildə kəsişir. Yazıçı Odacima isə insanlara bədbəxtlik gətirən həmin sirli məkanın dəqiq yerini tapmağa çalışır.

2020-ci ildə ekranlara çıxan «Qarğış: Başlanğıc» (Ju-On: Noroi no Ie) adlı Yaponiya istehsalı serial rejissor Sho Miyake tərəfindən çəkilib. Dədəktiv, dram və qorxu janrlarını birləşdirən layihədə baş rolları Yoshiyoshi Arakawa, Yuina Kuroshima, Ririka və Koki Osamura canlandırır.