Arzu

El Deseo adlı kiçik qəsəbə təkcə şəfalı suları ilə deyil, sakinləri təşvişə salan bataqlığı ilə də tanınır. Buradakı termal bulaqlara və mehmanxanaya Dalmiro ilə həyat yoldaşı Mersedes rəhbərlik edir. İyirmi beş il əvvəl gənc Mersedes paytaxta yollanaraq körpəsini övladlığa vermək istəsə də, valideynləri qıza uşağın guya tələf olduğunu bildiriblər.

Əslində isə Karmen adlı qız sağ qalaraq böyüyüb və sənətçi olub. İllər sonra gənc qadın təsadüfən El Deseo qəsəbəsinə gəlib çıxır. Eyni vaxtda öz işlərini həll edib tezliklə getməyi planlaşdıran Xavyer də bura ayaq basır. Lakin hər iki qonağın gəlişi qəsəbədəki gizli sirləri üzə çıxarır və yerli sakinlərin həyatını büsbütün dəyişir.

Argentina istehsalı olan bu dramatik detektiv serialı 2004-cü ildə işıq üzü görüb. Layihənin rejissor işini Karlos Luna və Pablo Ambrozini həyata keçiriblər. Baş rollarda Nataliya Oreyro, Erika Rivas, Gilermo Pfening və Martin Slipak çəkiliblər.