Lanset

İlya Ladınin cərrahiyyəyə olan sevgisinə görə hələ tələbəlik illərində «Lanset» ləqəbini qazanmışdı. Həyat yoldaşının qəfil vəfatı həkimi dərindən sarsıdır, anasının ölümündə atasını günahlandıran oğlu isə nənəsinin yanına köçür. Bütün bu çətinliklərin ardınca İlyanın əllərində titrəmə yaranır; bu səbəbdən o, pasiyenti itirir və bir daha əməliyyat masasına yaxınlaşa bilmir.

Tibb sahəsindən birdəfəlik uzaqlaşmaq istəyən Ladıninə xəstəxanada gözlənilməz vəzifə təklif olunur. Ona daxili araşdırmalar şöbəsinə rəhbərlik etmək həvalə edilir. İlya bu təyinat sayəsində vaxtilə həyat yoldaşının müalicəsində hansı səhvlərin buraxıldığını aydınlaşdırmağa ümid edərək təklifi qəbul edir.

Rusiyada istehsal olunmuş «Lanset» serialı 2019-cu ildə işıq üzü görüb. Ekran əsərinin rejissoru Yelena Nikolayevadır. Baş rolları Pavel Trubiner, Polina Aqureyeva, İvan Rudakov və Boris Kamorzin canlandırıb.